اجمد شعر لاجمد ناس

القضية مش قضية غلا ..

ولا قضية أسعار مشعلله ..

ولا قضية حاوي حكم بالجلاجلا ..

ولا قضية خصخصة وفضيحة مجلجله ..

ولا قضية وزارة عن قضايا الناس مستهبله ..

القضية قضية شعب حالته بالبلا ..

شعب صحي من النوم لقي الجيب مخروم ..

ومن أبسط حقوقه بقي محروم ..

ريسنا يا وش السعد ..

بدأت بلزقه على اليد ..

بدأت في يوم مشئوم ..

وكان الوعد ..

وكان العهد ..

إصلاح وخطة خمسيه ..

إصلاح يدوم ويدوم ..

إصلاح بجد ..

مش فرقعة وقت اللزوم ..

وهان الشعب عليك

وبيعته حتى الهدوم ..

ويا عيني عليك يا بهيه ..

لساك قاعدة مستنيه ..

في خطة خمسيه ..

وأبو العز سرق الحديد ..

وبهية من غير بيت ..

الحديد يروح ..

والقلب مجروح ..

وبهية لساها مستنيه ..

يا حرام في خطه خمسيه ..

والقطرات مصديه ..

بتخبط في بعضيها ..

والعيب في التحويله مش فيها ..

عايزين مليارات يصلحوها ..

وبملاليم بعد كده يبيعوها ..

والعبارات بتتحرق جوا المايه ..

والبنوك بتتسرق ..

والبلد بتتنهب ..

وما عدش لينا هويه ..

وبهيه زي ما هيه ..

ع الرصيف مستنيه ..

جالها واحد من الناس ..

قالها خلاص ..

الحل في المسيحيه ..

خدي أكل وشرب وبطانيه ..

الحياه تحلا بالمسيحيه ..

ردت بهيه بسذاجة مصريه ..

الإسلام هو الحل مش المسيحيه ..

وعن اللي كل ما كل ..

واحنا رغم الغلا والكوى ..

عشتنا فل في فل ..

ياسلام على الاشعار عاوزين من الاشعار دى كتير املالنا بيها المنتدى

يا اشعارك يا ابو الاشعار بس عايزة اعرف مين بهيه دى ؟؟؟؟؟؟؟؟؟؟؟؟؟؟؟؟