هبدأ بكذا سطر من قصه ويجي حد بعدي يكملها ويقف عند نقطه مثيره ويجي حد بعده يكملها وهكذا يلا نبدأ مع بعض
***** كانت بنت جميله رقيقه صغيره كانت شطوره في المدرسه وكان كل اصحابها بيحبوها بس والدها متوفي وجه في يوم كانت هتنزل المدرسه الصبح بس كان يوم غير عادي لان مامتها كانت هي دايما اللي بتصحيها واليوم ده مامتها مصحتهاش لكن البنت قلقت وكانت نايمه جنب مامتها لانها كانت بتنام جنبها قعدت تصحي فيها مش بتصحها قعدت تقولها يا ماما انا هروح المدرسه انا كده هتاخر يا ماما انتي شكلك عايزه تنامي قوي طب اصحي مامتها مش بترد والبنت وحيده ومش معاها حد وغير كده ملهاش قرايب متعرفش حد خالص وكل اللي عملته انها الطريق الوحيد اللي عرفته طريق الكنيسه راحته وقابلت ابونا وابونا جه معاها البيت وعرف ان والدتها ماتت البنت قعدت تعيط وصعبت عليه قوي انها وحيده كمان لكن ابونا كل اللي عمله انه .........
يالا بقي حد يكمل .... بس يقف عند جزء وحد تاني يكمل ......
الأحد يناير 04, 2009 7:20 am
