معاكسات الشباب للبنات

طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
التكنولوجيا ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والنور .. فعلا حاجة
غريبة وسخيفة في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .
المعاكسات كمان بتفرق حسب طبيعة المكان بحكم البيئة والتركيبة الاجتماعية
و من الطرق الجديدة أن البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت استفزاز طبعا .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات من الموبايلات وطبعا
يتباهى إنهم صحباته .
عايزة أشوف رأى الشباب والبنات فى الموضوع ده........

معاكى حق با بوسى كات
االايام دى الشباب بقى بيسطزرف كتير قوى
لكن ممكن تكون حاجتين :

اول حاجة : ان البنت ممكن بتبقى هى المسئولة على المعاكسى دى يعنى ممكن مشيتها و لبسها وطريقة كلامها
بس دا طبعا مش بيحصل كتير مع اولاد ربنا


تانى حاجة :
ان بقى الشباب هو اللى بيسطزرف ودة بقى بيحصل كتير قوى

لو عندك راى تانى يا بوسى كات قولية علشان عاوزة اسمع رايك

موضوع حلو اوى يابوسى

وفعلا اليومين دول بقت حاجة سخيفة جدااا

بس انا بلاحظ ان البنات بتبقى هى اللى بتجبر الولد على كدة يعنى من طريقة لبسها ومشيتها وكدة

بس بردو مش هنجيب الغلط كله على البنت بس ده الولد غلطه اكبر من البنت

الولد مش بيلاقى حاجة يعملها