قرر اتحاد النساء العالمى اتخاذ خطوة إيجابيه لمواجهة تسلط الرجال، فاتخذوا قرارا بأن تضرب العضوات عن الأعمال المنزليه لمدة اسبوع و يتركوا الرجال لمواجهة المسئوليه ، و تحدد لقاء بعد اسبوع لعرض النتائج.
- الزوجه الإنجليزيه: أنا ناديت شارلز و قلت له أنا مش حاعمل حاجه الأسبوع ده فى البيت، لا غسيل و لا طبيخ و لا كنس و لا حاجه اتصرف انت. أول يوم ماشفاش حاجه، تانى يوم مافيش حاجه حصلت، تالت يوم طبخ لنفسه، و بعدين اتعود و عمل كل حاجه.
- الزوجه الفرنسيه: أنا ناديت بيير و قلت له أنا مش حاعمل حاجه فى البيت الأسبوع ده، لا غسيل و لا طبيخ و لا خياطة زرايرو لا حاجه اتصرف ، أول يوم ماشفتش حاجه ، تانى يو م ماشفتش حاجه ، تالت يوم نضف البيت و بعدين جابلى بوكيه ورد و قال لى إنتى بتتعبى كتير و أنا مش واخد بالى ، أنا حاساعدك على طول فى شغل البيت.
بهانه: آنى ناديت هريدى و جلت له آنى مش عاعمل حاده الأسبوع ده فى الدار لآ غسيل و طبيخ و لا كنيس و لا حاده واصل، اتصرف انت عاد..أول يوم ماشفتش حاده واصل.. تانى يوم برضه ماشفتش حاده..و تالت يوم بدأت أشوف بعينى الشمال هبابه..!!
اجتمع ثلاثة من البخلاء وقرروا التبرع بجزء من مالهم بعدما كثر كلام الناس عليهم. قال البخيل الأول: سأرسم دائرة على الأرض وأرمي المال في السماء فالمال الذي يسقط بداخلها لي والمال الذي يسقط خارجها للفقراء!! قال الثاني: أما أنا فسأرسم خطاً على الأرض وأرمي المال في السماء فالمال الذي على يمين الخط لي والمال الذي على شمال الخط للفقراء!! فقال الثالث ( وكان أشدهم بخلاً): أما أنا فسأرمي المال في السماء فالمال الذي يسقط على الأرض لي والمال الذي يبقى في السماء فللفقراء.
مهندس كمبيوتر، حلل دمه، طلعت فصيلته HP
كلب شوارع مر من جنب مخفر شرطة شاف كلب بوليسي قال آخ لو كملت تعليمي
مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش ها حلم بيهم تاني خالص... قاله خليها بكرة يا دكتور علشان النهاردة ماتش النهائي
واحد بتاع فيديو جيم مات كتب علي قبره "جيم أوفر"
ضابط المرور بيحقق فى حادث... سأل الاول .. فرد .. يا بية انا اديتة كلاكس .. واديتة انوار وصرخت فية
علشان يبعد ومفيش فايد سأل التانى ... فرد ... يابية انا اعمل اية ، انا قاعد فى الكشك بتاعى
مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح
المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت
مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله
واحد سباك نفسه اتسدت غرقت الشقة
في مجموعة بخلاء مشوا على الكورنيش لقيوا لوحة مكتوب عليها منطقة قروش قاموا كلهم نطوا في البحر
خبيث دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض..
وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الخبيث قرش من جيبه ورماه فوق ال( 12) قرش وقال للجرسون كمان واحد فول لو سمحت.
طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك
واحد قال لخطيبته انتي لبن انتي قشطة أنتي حليب أو أقلك ؟ انتي البقرة كلها
غبى شاف مقهى انترنت مكتوب عليه الساعه بــ 3 جنيه .... دخل يسأل هي ضد الماية؟؟
كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك للأرنب بطريقة أحسن من كده، قول له هات لى جزر، إذا جاب لك جزر لونه أصفر إضربه و قول له أنا عاوز جزر أحمر، و إذا جاب لك جزر أحمر إضربه و قول له أنا عاوز جزر أصفر. فقال النمر للأرنب أنا عاوز جزر، فقال له الأرنب، عاوز الجزر أصفر و لا أحمر.النمر نزل في الأرنب ضرب و قال له إنت ودانك طويلة ليه
مرة كان في ماتش بين فريقين حشرات في الشوط الاول في فريق انهزم واحد صفر و الشوط الثاني نزلت أم أربعه و اربعين دخلت 42 هدف بعد الماتش صحفي بيسأل المدرب اللي فاز :ليه مانزلتش أم أربعه و أربعين من أول الماتش ٌقاله:كانت بتربط الجزمة
واحد رخم قرصه ثعبان قعد يضحك يضحك الثعبان قاله مالك بتضحك ليه دانا قرصتك قاله اصلي أنا عندي الايدز .
كان أحد البخلاء متضايقاً وحزيناً ، فسأله زميله : ما بك ؟
فقال البخيل : لقد انكسرت سنة من أسنان مشطي .وأنا أريد تسريح شعري .
الزميل : ألا يمكنك استخدام المشط دون هذه السنة ؟
البخيل : لا ... لأنها كانت السنة الأخيرة !!!
مرة كان في أرنب مريض وراسه يوجعه فقالت السلحفاة له انا راح اجيب لك بندول وبالفعل طلعت. ومر الوقت والارنب مريض ساعة ساعتين ثلاث خلص اليوم وفي اليوم الثاني صحا الارنب من النوم والسلحفاة لسة ما رجعت فطلع يتحرى وشافها توهها على بعد 100 متر فصرخ عليها وقال انا الغلطان اللي اعتمد على مثلك فردت السلحفاة احترم نفسك ولا ماني رايحة.
مرة اربع صاعيدة داخلين امتحان فاجلهم سؤال فى الامتحان وهو كام عدد ارجل المعزة فكلهم سألوا صاحبهم حسنين وما كنش بيرد عليهم فلما خلص الامتحان قالولو انتا ما قولتيلناش لية
قالهم المراقب كان جنبى ومعرفتيش اطلع المعزة.
جماعة صعايدة بيلعبوا كهرباء على الطريق السريع اللى تخبطه عربية يطلع برة .
مرة واحد حب يفتح مزرعة مواشي فسال صاحبة انت بتأكل البقر ايه قالو البقر الاسود ولا الابيض قالو الاسود قالو علف فقالو طيب والابيض قالو علف بردو قالو طيب بتشربو ايه قالو الابيض ولا الاسود قالو الاسود قالو ميه قالو طيب والابيض قالو ميه بردو قالو طيب بتنيمو فين قالو الاسود ولا الابيض قالو الاسود قالو في الحضيرة قالو طيب والابيض قالو في الحضيرة بردو قالو يا عم انتا وجعلي دماغي من الصبح وقاعد تقول ابيض واسود والاتنين بيكلو ويشربو وينامو زي بعض قالو لا اصل البقر الاسود بتاعي قالو والابيض قالو بتاعي بردوووووووو
مرة تلاتة صعايده راحوا محطه القطار لقوا القطر ماشى اتنين منهم طلعوا يجروا ورا القطر و التالت واقف يضحك عليهم. الناس سألوه بتضحك ليه قالهم اصل انا اللى مسافر والاتنين التانين جايين يودعونى
مرة اثنين ساكنين فى ناطحات سحاب لكن المصعد كان معطل فطلعوا على رجليهم فوصلوا الى الدور 99 فقال واحد للاخر عندى خبرين الاول حلو والثانى وحش الحلو ان احنا وصلنا الى الدور 99 والوحش ان العمارة مش بتاعتنا
صعيدي عندو أرق مش قادر ينام صحبو قالو عد لغاية 500 بدأ يعد ولمن نعس راح غسل وشة وجا يكمل للـــ 500
تلاته اندال اتفقوا يشوفوا مين اكتر نداله الاول شاف راجل عجوز عايز يعدي الشارع مسك ايده و سابه في نصف الشارع واتاني عداه وضربه التالت ضحك وقال انا اكتر نداله الراجل ده يبقي ابويه
واحد بلدياتنا كان قائد فى الجيش و قدامه أربع صفوف عساكر ....واحد من العساكر عطس..القائد سأل أول صف مين اللى عطس محدش رد فتح عليهم النار قتلهم كلهم و بعدين سأل الصف
التانى مين اللى عطس محدش رد ..راح فاتح النار عليهم ....و إدور على الصف التالت قام واحد خاف و قاله انا اللى عطست ياباشا...قاله القائد يرحمكم الله
سألوا صعيدى : ليه جتلت أبوك
الصعيدى : كانوا عاملين رحلة للأيتام , كنت عايز اروحها
المحققين : طب ليه جتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة
مرة واحد مسطول آل لواحد مسطول تاني يلا نسرق العمارة دي فرد التاني :نوديها بعيد الأول علشان محدش يوشفنا وبعدين ألعوا هدومهم وحطوها وراهم وأعدوا يزؤواوبعدين جه حرامي
وسرق هدومهم فواحد بص وراه ملآش الهدوم فأل للتاني كفاية كده إحنا بعدنا أوي
مرة واحد ظريف عاش في الدور.واحد أظرف منه عاش في الدور اللي فوقه
مره واحد فتح التلاجه شاف الجيلي بيرتعش قال له متخافش حشرب ميه
مره واحد شحات ماشى على واحد عجلاتى بقول له اعطنى مما اعطاك الله قاله خد لك لفه
واحد بخيل راح للفكهاني .. قال له شوف لنا حاجه ناخدها معانا لواحد عيان ، الفكهاني قال له عندك مانجه أهه بعشرين جنيه الكيلو ، قال له لا ياراجل أصله مش عيان قوي كده.
مرة صعيدى راح يكشف على ابنة الدكتور غاب نصف ساعة و رجع قال لة البقية فى حياتك رجع الولد لابوة لآلآلآ يا با ه انا ممتش قال له اتنيل على عينك هتفهم احسن من الدكتور
مرة واحد عداه العيب خد اللي بعده.
في يوم راح واحد عند جماعه و اتاخر عندهم و صار يستنى العشا تاخر العشا ف سال بنت الجماعه اللي كان عندهم امتا حتحوطوا العاشا قالت له: بعد ما تمشي من عندنا على طول
مرة واحد دماغه لفت قابلها من الشارع التاني.
في مدرس تاريخ اول يوم له في التدريس دخل الفصل وسال الطلاب مين قتل نابليون، ماحد عرف نادى المدير وقال له ما حد عارف مين قتل نابليون المدير قله كيف قيام جلوس وجاء للمدرس وقله انته متاكد انه نابليون انقتل عندك في الفصل .
مدرس جغرافيا جاب لمراته هدية سلسلة جبال.
واحد بلدياتنا نزل محطة مصر لقى بتاع الأنابيب بيخبط عليها، قال له افتحلي واحدة ساقعة لو سمحت.
فيه صعيدي كان معه دجاج ... وقفه شرطي المرور .وقال:ما شاء الله شو هالدجاج وش توكله؟؟قال الصعيدي اوكله حبوب..يعني شعير وقمح.جاء الشرطي فهم غلط وقام يضرب الصعيدي.المهم انه كمل طريقه.جاء شرطي ووقفه ثانية وسأله نفس السؤال فرد عليه الصعيدي وقال :حشيش.فهم الشرطي غلط وقام يضربه.المهم انه كمل الطريق ووقفه شرطي ثاني وسأله نفس السؤال.جاء الصعيدي قال: الصراحة أنا أعطيهم فلوس يروحوا يتعشوا ويرجعوا.
مرة اتنين مساطيل قاعدين بيحششوا قدام نشرة الأخبار في التليفزيون فنشرة الأخبار طولت، راح الأول قال للثاني: هيه ليه نشرة الأخبار طولت النهاردة كدة؟ رد عليه الثاني و قال: معلش أصل شكلها كدة النهاردة آخر حلقة.
مرة واحد توأم شاف أخوه قال له: انت فين من الصبح يخرب شكلك أمي خلتني أستحمى مرتين.
اثنين ساكنين في خيمة ونايمين على ظهورهم بالليل ناظر الأول للسما وقال للثاني وش تناظر؟ قال اناظر نجوم كثيرة....
قال هذا وش يدل علية ؟ قال الثاني : ان فيه مجرات وكواكب غيرنا في هالكون . قال الأول هذا يدل ان سقف خيمتنا انسرق ياغبي
واحد بلدياتنا عاوز يفسح عروسته في شهر العسل، فسحها في منحل.
تلاتة بيحششوا حصل كبسة عليهم اتنين هربوا والتالت استخبى في البوكس
واحد بلديتنا راح امريكا لقى كل الشباب لابسين تشيرت مكتوب علية سفن اب كوكاكولا - بيبسي راح كتب على الجلابية عصير قصب
دكتور عيون قاعد مع خطيبته في حديقه الاسماك معاه ورده قالها شايفه الورده دي يا حبيبتي قالت له ايوه فرجع ايده لورا شويه وقالها طب وكده
في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اعد يا ابني انت متعرفش حاجه في الحساب
التلميذ: انت اللي متعرفش ابويا
سته صعايده عايزين يركبوا لمبه فى السقف يعملوا ايه؟
واحد يمسك اللمبه و خمسه يلفوا له السقف!!
واحد سنانه كلها طايرة ما عدا الانياب... قدم علي وظيفة عينوه خرامة
مرة حلاق و ابنة بيتفرجوا على متش كورة فقال المذيع :وشطها بمشط رجلة و جت فى المقص فقال ابن الحلاق : بابا دول بيلعبوا فى العدة
مرة 5 دخلوا كلية الهندسة اثنين طلعوا مهندسين وثلاثة مدينة نصر
مرة واحد تعب من المشى طلع يجرى
فى مستشفى الولاده ، الأب شايل بنته اللى لسه مولوده و قاعد يغنى
- يا قمر انت يا صغنن ، يا كتكوت انت يا سكر .... ، فصاحبه قال له:
- انت تاعب نفسك فى ايه ، انت فاكرها فاهمه حاجه؟؟
- يا راجل دى بتبتسم أهه ، و ضحكت كمان !!
- يا جدع انت بنتك نايمه ، تبتسم ازاى؟
- يا أخى انا باتكلم على الممرضه!
واحد صعيدى وهو راكب تاكسى السواق خبط راجل ماشى، قال للصعيدى انزل شوف الراجل مات ولا لسه، نزل الصعيدى و قعد يقول للسواق: تعالى.... تعالى... تعالى..... باسسسسس.. بس، كده مات خلاص!!
مرة واحد عجلاتى قعد على قهوة طلب كاوتشينو
كمسري أبوة مات ماشى في الجنازة يقول يا حضرات الجنازة فاضية آدام
واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها
مرة واحدة ست ماشية في جنازة جوزها عمالة تنوح عليه اتنين كانوا ماشيين في الجنازة واحد بيقول للتاني تراهني إن الستات دول ما يصدقوا ازواجهم تموت و ينسوهم قالوا ازاي ام راح ماشي وراها و عمال يقول اه يا حلو يا مسمسم لو الواحد يعرف عنوانك بس ما كانش يسيبك راحت الست ماشية في الجنازة تنوح و تقول اه يا جوزي يا اللي كنت مستتني و مجوزني في شقة برحة في 3 شارع النسيان الدور الثالث شقة 7 اه يا جوزززززززززززززززززي
في واحد دلوع اوي, دخلوه اهله الجيش , سأله القائد : تعمل ايه لو قابلت العدو ... قال : ارمي السلاح في وشه و اقولوا اكرهك اكرهك اكرهك
تلاته عمالين بيحششوا فى مزرعه فراخ طب عليهم البوليس استخبوا فى تلات شوله جه الظابط شاط الشوال الاول برجله قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه قام الحشاش اللى جوه قعد يدن و يقلد صوت الديك الظابط سابه و راح عالشوال التالت برضه شاطه برجله الحشاش التالت متكلمشى..شاطه تانى بس
بالجامد برضه متكلمش قعد الظابط يخبط فيه طلعله الحشاش يقوله بطاطس بطاطس انت مبتفهمش
واحد راح الصيدلية وقال للدكتور: عايز لبن اطفال ..... الدكتور: اسمه ايه !؟
الراجل : اسمه اشرف.
بخـيل وقع فى حفرة ، فتجمع عليه الناس علشان يساعدوه ... المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احنا قاعدين نقوله هات ايدك هات
يدك وهو رافض، قال بسيطه ، راح عند البخيل وقال له خذ ايدي ................ فطلع البخيل.
كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه. الأسد قال للنمر يا أخي إتلكك للأرنب بطريقة أحسن من كده، قول له هات لى جزر، إذا جاب لك جزر لونه أصفر إضربه و قول له أنا عاوز جزر أحمر، و إذا جاب لك جزر أحمر إضربه و قول له أنا عاوز جزر أصفر. فقال النمر للأرنب أنا عاوز جزر، فقال له الأرنب، عاوز الجزر أصفر و لا أحمر.النمر نزل في الأرنب ضرب و قال له إنت ودانك طويلة ليه.
فرختين مشيين الاولى معلقة بيضة على رقبتها .. فالتانية بتسالها اية البيضة دى؟ قالت دى صورتى و انا صغيرة
زعيم سياسي في بلد متخلف، اقترح عليه أحد الحاشية اقتراحاً فقال: لماذا لا نسعى الى ان تستعمرنا دولة كبرى مثل أمريكا فتقيم لنا المصانع والطرق والمطارات والمستشفيات ثم نطردهم فيما بعد؟
فأجب الزعيم : وكيف نجعلهم يأتون لاستعمارنا ؟
فرد عليه : لدينا طائرتين نرسلهما في غارة على أمريكا فتغضب أمريكا وتأتي لاستعمارنا
فرد الزعيم : واذا تمكنت الطائرتان من هزيمة أمريكا .. ماذا نفعل؟!!!!!!
مرة اتنين ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟
الجمعة سبتمبر 26, 2008 4:26 am
