مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة ماتش النهائي
_________________
صيدلي اتجوز صيدلانية... خلغوا تركبية...
بدل ما يهشتكوها.. كانوا بيرجوها
_________________
واحد بلديتنا حب يعمل ارهابى.. خطف ابنه.. محدش سأل عليه قتله
_________________
واحد أعمى فتّح ... من الفرحة اتشل
_________________
مره واحد صعيدى حلم انه بيحفر فى بير غويييييط.. صحى لقى ايده فى مناخيره
_________________
واحد صعيدي دخل الجيش ووقف حراسة على بوابة معسكر... عدى عليه الشاويش \"محمد\" وقاله:اللواء \"فريد\" جه؟ قاله : ماجاش يا شاويش \"محمد\"...
وبعد ساعة رجع له الشاويش محمد وسأله: اللواء \"فريد\" جه؟ قاله لسه ما جاش...
وبعد ساعة رجع له تانى وسأله اللواء \"فريد\" جه؟ قال له لسه ما جاش...
وبعد ساعة جه اللواء \"فريد\"... فقاله العسكرى : أنت فين من بدري الشاويش \"محمد\" حيخرب بيتك
_________________
واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت
_________________
مره واحد بيقول لواحد صاحبه: اسكت مش انا حماتى ماتت امبارح... قاله لا حول الله يا رب... ماتت ازاى الست دى؟
قاله وانا واقف معاها فى البلكونه وقعت من الدور الخامس... قاله لا حول الله يا رب دى موته وحشه أوى...
قاله لأ.. ماهى ماوقعتش على الارض... قاله امال ماتت ازاى؟
قاله وقعت على سلك الكهرباء... قاله يا ساتر يارب دى موته وحشه أوى.. ماتت من الكهرباء طبعا...
قاله لأ يا عم.. ماهى الكهرباء كانت مقطوعه... قاله امال ماتت ازاى بس؟
قاله اصل السلك نطرها في حمام السباحه... قاله لا اله الا الله ماتت غرقانه...
قاله بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى؟
قاله ما انا لما ما لقيتش فايدة رحت خانقها بالإيشارب
_________________
مرة واحد متجوز عنده دولاب قافله 20 سنة والمفتاح معاه هو بس... مراته هتتجنن وتعرف ايه اللي جوه الدولاب... وفي يوم راح الشغل ونسي المفتاح... مراته فتحت الدولاب لقت 20 الف جنيه.. وبيضتين!!!
لما رجع سألته ايه حكاية البيضتين دول؟ قالها بصراحه... كنت كل ما أخونك مرة أحط بيضاية في الدولاب...
الست قالت عشرين سنه جواز ومرتين بس... مش مهم... فسألته طب والعشرين الف جنيه؟ قالها كنت كل ما اجمع كرتونه بيض اروح ابيعها
________________
مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها
_______________
مرة اتنين صعايدة ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟
_______________
واحد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع
_______________
جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت
______________
واحد بيسأل صاحبه هو ايه الفرق بين تجارة الحشيش وتجارة عين شمس ؟ قام صاحبه قاله تجارة عين شمس 4 سنين انما تجارة الحشيش أقلها 25 سنة
_____________
ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق... قالت المذيعه طب هأسألك كام سؤال...
- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه يا وليه هو مفيش حد بيحارب غيرى وللا إيه؟؟؟
________________
واحدة كل يوم تصحي من النوم تلاقي هدومها كلها ميه... خدت راي جارتها... قالتلها اعملي نفسك نايمة وشوفي الميه بتيجي منين... وهي نايمة لقت جوزها قاعد يتفرج علي قناة لبنان... وكل ما يشوف واحدة حلوة... يقول دي حلوة... ودي... اتفوووووو
_______________
واحد سنانه كلها طايرة ما عدا الانياب... قدم علي وظيفة عينوه خرامة
______________
مرة صرصار كان ميت علي نفسه م الضحك .. ليه؟ علشان كان بيجري وراه واحد احول...
_____________
صعيدي وقفت علي وشه دبانة... بيهشها... قالت له حتي انت يا معفن
_____________
واحد صعيدي نزل يتمشي.. جابوه من ع الحدود
_____________
واحد اسود اتجوز واحدة سودة زيه.. جابوا ولد ابيض.. سموه مش ممكن
____________
فرخة اتجوزت فيل... جابوا تشيكن فيليه
____________
مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب
____________
واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟؟؟؟؟؟؟؟؟؟
___________
بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة قايد
___________
واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقاللها ايه ده؟؟ قالت له استر عليا ده انا ديييييييييييك
___________
كان فيه خمسة صعايدة سموا نفسهم الشجعان التلاتة
___________
واحد أحول بيتفرج علي فيلم عاطفي... (بدل ما يدمع ريل).......... (بعد ما ريل.. الريالة طلعت علي ودنه)
___________
مرة واحد فاتح صالة حلاقة فكان عاوز يعلم أبنة الحلاقة فكل شوية لما الولد يغلط يروح جايب الخرزانة و يروح ضربة فالولد يروح موطى و جاية فى قفة الزبون كل شوية تيجى فى نفس الزبون فا فى مرة الولد راح قطع ودان الزبون فالولد قال للزبون عمو أنا قطعت ودانك فالزبون قالة ألمهم أبوك شافك فراح قالة لا فاقلة طيب أرميها بسرعة
___________
مرة أثنين محششين راكبين عربية فاخبطو واحد فالأول قال لثانى أنزل شوف الراجل ليكون مات فالثانى قال للأول تعال يمين شوية طيب تعال شمال شوية طيب تعال قدام طيب كدة مات
___________
مرة واحدة ست شابة مات جوزها.. وهي ماشية في الجنازة عمالة تعيط عليه وتنوح وتخبط إيديها على دماغها وتقول: "ياجوزي.. يابو عيالي.. ياشريك حياتي.." فمر بقربها شابان وقال أحدهما للآخر: "ماتاخدش في بالك.. ده كله تمثيل.. بكرة بيتقدملها واحد تاني تتجوزه وتنسى الأولاني" فرد عليه صديقه: "يا راجل عيب.. خلي في قلبك رحمة.. دي الولية حتموت نفسها من العياط.." فقال الأول: "شوف أنا حعمل إيه على شان تصدق كلامي" فمشى خلف تلك المرأة وهو يقول: خسارة الواحد يموت ويسيب الجمال ده كله.. مالوش حق.. لو كنت عارف عنوان الست دي كنت حااتجوزها على طول...فأكملت أرملة المرحوم ندبها قائلة: يامستتني.. ياجايبلي الموبيليا بالشيء الفلاني.. ومسكنني بالمعادي.. خمسة وعشرين شارع المهندسين.. الدور الرابع.. شقة نمرة ربعمية وتلتعشر.
___________
مرة فار سكران على الاخر شافة قط جعان جرى وراة فعدت عربية بسرعة فرمت القط.. والفار اغم علية ولما فاق وشاف القط مفروم قال (يووة هو انا كل ما اسكر اعملى مصيبة)
___________
فار محشش قال : كل القطط تحت جزمتى لقى وراه قط اسود قال الا ابو سمره حبيبى
___________
مصر كانت عايزه تتخلص من الصعايده بانها تتدخلهم الجيش فالصعايده اول لما عرفوا قرروا يقلعوا الجلاليب و يلبسوا بدلات و جرافاتات فاول لما عميد الجيش عرف قام جايب كل المشكوك فيهم و حط امامه جردل و سال كل واحد ده ايه؟ سال الاول :فالوا ده دردل يا بيه و الثاني و الثالث نفس الموضوع لغاية لما اتي الدور عالناصح الفيهم سالوا العميد ده ايه؟ قالوا ما خبرش؟
الإثنين سبتمبر 22, 2008 5:07 am
