تقول الزوجه المفروسه وتحكي:
جلست مجموعه من صديقاتي يتناقشن عن ماذا سيقدمن لازواجهن في عيد الحب ؟؟؟؟؟
فقالت الاولي:-
كنا ناقصين عيد الحب ده كمان مش كفايه عيد ميلاد حماتي وعيد الام لحماتي كمان هجيب لجوزي هديه .
فردت الثانيه وقالت :-
أنا بقول كفايه ورده حمرا أو رساله علي تليفون المحمول...ولا اقولك اعملي كيكه في البيت وهاتي فروله من المرطرطه في السوق دي في غير أونها وكلها هرمونات وغطي بيهم الكيكه وحطي فيها شمعه ودي هتكون أحسن مفاجأه...........فردت الأولي بعدما ضحكت :-
عملت كل ده السنه اللي فاتت
وكمان عملت اتصلاتي وبعت العيال عند ناس قريبي يعني قولت أعمل احتفال بقا كأننا لسه متجوزين جديد
ورحت عمله كيكه وغطيتها بالفروله زي ماتقولي كده ومليت البيت ورد أحمر وشموع وبالونات حمرا بصراحه بقا جو جامد
وهو متعود يتصل بيا قبل مايجي فعرفت انه جاي روحت طفيه الانوار وولعت الشموع .............تصوري اول ما دخل ولقي الانوارمطفيه وشموع بس اللي قايده افتكرها حريقه وراح قالع جاكت البدله ومطفي بيه الشموع.............. تخيلي قالي ايه انتي كنتي ناويه تحرقي البيت
ودي كانت نهايه عيد الحب العام الماضي........
وصل الدور عليا "الزوجه المفروسه "
وسألتني احدي صديقاتي وأنتي ناويه تعملي ايه
قولت ................:-
أنا بقا هختفي عن عنيه خالص ولا هيلاقيني في البيت ولا في النادي وهقفل الموبيل وأنام في بيت أهلي وأعتقد أن دي هتكون أجمل هديه أقدمها ليه في عيد الحب (أني أريحه مني )
eh r2yokm hya de f3ln agml hdya anha tb3d 3no 3lshan try7o mnha ?????
الأحد سبتمبر 14, 2008 1:58 pm
